Proxección da película «A Familia Benetón» no ciclo "Cine na Rúa"

O ciclo "Cine na Rúa", unha das actividades incluídas na programación do "Verán de Lecer 2026" organizada polo Concello da Caniza, remata coa proxección da comedia familiar "A Familia Benetón", unha divertida película para todos os públicos.

A sesión celebrarase o:

📅 Xoves, 30 de xullo de 2026
🕥 Ás 22:30 horas
📍 Praza Maior da Caniza

Sinopse

Toni é un home solteiro, egoísta e pouco amigo dos compromisos, cuxa vida dá un xiro inesperado cando ten que facerse cargo de cinco nenos e nenas de diferentes nacionalidades e procedencias. O que nun principio parece un auténtico caos convértese nunha experiencia chea de situacións divertidas, aprendizaxes e emocións que lle farán descubrir o verdadeiro significado da familia. Unha comedia entrañable que aposta pola diversidade, a convivencia e os valores familiares.

En caso de condicións meteorolóxicas adversas, a proxección trasladarase ao Auditorio da Casa da Cultura da Caniza, mantendo o mesmo horario.

O ciclo "Cine na Rúa", que se desenvolve do 27 ao 30 de xullo, forma parte da programación estival "Verán de Lecer 2026".