Desde a Asociación Industrial Asime, en colaboración coa Deputación de Pontevedra, está a organizarse a:
“Tecnolóxicas Week”.
Unha semana temática de actividades e xornadas en diversos municipios da provincia de Pontevedra, para fomentar as vocacións tecnolóxicas na xente nova, con especial foco nas mulleres.
O obxectivo é achegar a realidade da industria á xente nova, para que coñezan os traballos e oportunidades que poden desenvolver e paliar así a medio-longo prazo a falta de persoal cualificado no sector, xunto a unha maior integración de perfís femininos en postos técnico-tecnolóxicos.
No marco desta iniciativa, na Cañiza organizarase unha charla interactiva e informativa o luns 6 de febreiro, en horario de mañá (de 11:00 a 12:00h), no Auditorio da Casa de Cultura, na que se convidará ao alumnado dos centros de secundaria e FP do Concello, para coñecer de preto unha historia de éxito do proxecto Tecnolóxicas, que é unha iniciativa apoiada pola Deputación de Pontevedra na que se axudou a mozas da provincia para conseguir empregos como tecnólogas en empresas do sector.
Na charla participará unha das mulleres (do Concello da Estrada) e a CEO da empresa na que foi contratada (Itera Técnica). Elas presentarán a súa experiencia, achegando referentes femininos á xente da provincia e animando ás mozas e mozos da zona para apostar por carreiras técnico tecnolóxicas, explicando cómo acceder ao sector, consellos e mellores prácticas, etc.
Enlace para realizar as inscricións:
O 6 de febreiro en horario de 11h. a 12h. no Auditorio da Casa de Cultura da Cañiza