Novo taller do Programa Clara: Cociñando saúde: alimentación antiinflamatoria e receitas de benestar.

O Concello da Cañiza, a través do Programa Clara, organiza un novo taller práctico baixo o título Cociñando saúde: alimentación antiinflamatoria e receitas de benestar.

A actividade celebrarase o 30 de setembro ás 17:00 horas na Aula Cemit da Cañiza e está dirixida a todas aquelas persoas interesadas en mellorar a súa saúde e benestar a través dunha alimentación equilibrada.

Durante o obradoiro, as persoas participantes poderán:

• Descubrir hábitos que favorecen a prevención de enfermidades.

• Aprender receitas e combinacións de alimentos con propiedades antiinflamatorias.

• Coñecer como a dieta pode axudar a aliviar síntomas da menopausa.

• Mellorar a enerxía e o benestar grazas a unha nutrición saudable.

Trátase dunha oportunidade para adquirir ferramentas prácticas que contribúan a mellorar a calidade de vida a través da cociña e a alimentación.

Sobre o Programa Clara

Este curso forma parte das accións do Programa CLARA, presentado o pasado 5 de agosto polos alcaldes da Cañiza e Covelo, como unha iniciativa conxunta para promover a igualdade e previr a violencia de xénero a través dun servizo municipal integral e compartido.

Está dirixido a mulleres, nenas e persoas ao seu cargo, e conta cun equipo multidisciplinar que ofrece de maneira gratuíta:

• Atención xurídica e psicolóxica.

• Orientación laboral.

• Servizos de saúde e benestar.

• Actividades formativas en igualdade, tecnoloxía e empregabilidade

O Programa CLARA está financiado pola Dirección Xeral de Promoción da Igualdade da Xunta de Galicia, cofinanciado pola Unión Europea no marco do FSE+ Galicia 2021-2027, e desenvolvido coa colaboración dos Concellos da Cañiza e Covelo.

Para máis información ou inscricións:
606 118 853 | 687 227 495