PRESENTACIÓN DO LIBRO “La nostalgia de Paulo”

Este venres 10 de outubro ás 20.30 h, no Salón de Plenos do Concello da Cañiza, José Victorio Moure Rivera presenta a súa nova obra: “La nostalgia de Paulo”, unha emotiva homenaxe aos emigrantes galegos do século XX.

O libro conta a historia de Paulo, un veciño do lugar da Igrexa (parroquia de Oroso) que con só 18 anos emigrou a Brasil.

Todo comeza cunha conversa entre amigos na feira do gando do Cacharado, onde os emigrantes lembran os seus logros lonxe da terra.

Paulo, que ao chegar pasou a chamarse así, tivo que superar moitas dificultades, desde o idioma ata a adaptación a unha nova vida. Grazas á súa forza, á sorte e á axuda doutros, conseguiu ascender ata converterse en xerente do Hotel “Copa Cabana” de Río de Janeiro.