Este 17 de maio entregamos os premios dos certames literarios “Letras Galegas 2025”
Dentro dos actos previstos polo Concello para conmemorar o Día das Letras Galegas, este ano adicado “As Cantareiras”, o Alcalde Luis Piña, acompañado do Concelleiro de Cultura Rubén Muiños e da 1ª Teniente de Alcalde María José Rodríguez, fixo entrega este 17 de maio dos diplomas e premios ás catro concursantes gañadoras do XXVI Concurso de Poesía e do XXIV Concurso de Relatos.
A entrega de premios celebrouse no Salón de Plenos da Casa Consistorial, ás 12 do mediodía.
Premiadas de cada modalidade:
XXVI Concurso de poesía.
- 1ª Categoría (6 a 12 anos). Premiado con 120€ e diploma: Diana LOMBA ÁLVAREZ, co poema "UN DÍA DE NÉBOA".
- 2ª Categoría (13 a 17 anos). Premiado con 120€ e diploma: Estela SENDÍN RODRÍGUEZ, co poema "LINGUA DE BRÉTEMAS E LUZ"
XXIV Concurso de relatos.
- 1ª Categoría (6 a 12 anos). Premiado con 120€ e diploma: Alba MARTÍNEZ FERREIRO, co relato "LUCÍA E O BOSQUE DAS MIL RIQUEZAS"
- 2ª Categoría (13 a 17 anos). Premiado con 120€ e diploma: Claudia TRAVIESO IGLESIAS co relato "DESPEDIDA"
O xurado, integrado por un equipo de profesores de galego dos Centros Educativos da Cañiza, valorou os traballos en base aos criterios de creatividade e orixinalidade da obra e a súa forza expresiva.
Unha vez rematada a entrega de premios, un ano máis o Alcalde felicitou a todos os concursantes pola súa implicación, extensiva ás familias e agradeceu a súa participación neste proxecto cultural que este ano destacou pola sensibilidade poética e tamén pola forza narrativa das pezas presentadas.
O Programa Cultural das Letras Galegas continúa os sábados 24 e 31 de maio
A lectura das obras dos concursos literarios e a entrega de premios foi o acto principal destas Letras Galegas 2025, pero todavía quedan actos dentro do calendario programado para este ano.
Dentro desta programación destacamos o Concerto Coral das Letras Galegas 2025, previsto para este sábado 24 de maio, ás 20:30h no Auditorio da Casa de Cultura e no que participarán a Coral Cantares de Xinzo (Ponteareas), a Asociación Coral Alameda de Hogar del Mayor de Pontevedra e a Coral Polifónica da Cañiza.
Como peche desta programación, o sábado 31 de maio, ás 20:30h e tamén no Auditorio, teremos a oportunidade de gozar dun espectáculo de cantareiras, honrando así ás mulleres homenaxeadas neste 2025 polas Letras Galegas.
Felisa Segade e Montse Rivera, cofundadoras do grupo LEILÍA, traen Á Cañiza o espectáculo “AXUDÁDEME A CANTAR”, unha obra que pon en valor o patrimonio inmaterial da nosa historia: O CANCIONEIRO GALEGO. Un espectáculo de canto, enfocado no porqué destas cantigas, a súa creación, os momentos en que se cantaban e o papel que xogaban no día a día das nosas antepasadas.
Ademáis neste acto agasallaremos ao público asistente cun exemplar do libro de Marcos Calveiro “AGORA QUE VEN A NOITE”.
