Facemos balance das axudas de emerxencia dos Servizos Sociais Municipais
- Neste 2024 entregamos máis de 4.080 kilos de productos de primeira necesidade ás 34 familias incluídas nos programas de acción social municipal.
- Un total de 7.634,09€ subvencionados a través das Axudas de Emerxencia Social, destinadas pola Deputación de Pontevedra ao Concello neste 2024.
- Ademáis, a través dos nosos Servizos Sociais, valoramos e tramitamos 12 axudas dentro do Programa Básico de “tarxeta -monedero” expedida pola Cruz Vermella con fondos da Unión Europea. Un total de 10.900,00€ en alimentos entregados neste 2024 a familias con menores a cargo.
Esta mañá o Alcalde Luis Piña, acompañado da Traballadora Social do Concello, Rita Gulías, informou das axudas de emerxencia tramitadas neste 2024 ás 34 unidades familiares do noso Concello que percibiron unha media anual de 120 kilos de alimentos de primeira necesidade. Axudas que foron entregadas en dúas achegas efectuadas nos meses de marzo e de outubro.
Este ano implementouse a «Tarxeta Monedero» de Cruz Vermella
Ata o ano pasado o Concello realizaba 5 achegas ás familias beneficiarias do Programa. Dúas con cargo ás subvencións de emerxencia da Deputación Provincial e 3 con cargo ás axudas de Cruz Vermella a través dun convenio de Adhesión ao Programa Operativo FEAD, promovido polo Ministerio de Interior do Goberno de España, a Consellería de Política Social da Xunta de Galicia e Cruz Vermella.
A Unión Europea decidiu cambiar neste 2024 este sistema de achega de alimentos en especie por unha tarxeta monedero para utilizar directamente nos supermercados. Un cambio derivado da inclusión do Programa FEAD no FSE+ (Fondo Social Europeo), que afecta tamén ás directrices para obter esta axuda, podendo ser beneficiarios únicamente as familias que estén en situación de desigualdade con menores a cargo. Os fondos chegan ao Goberno de España, quen, a través do Programa Básico, os implementa en todo o Estado Español a través das Comunidades Autónomas.
As traballadoras sociais dos Concellos son as responsables de valorar e emitir os informes de necesidades ante a Cruz Vermella que é a encargada de xestionar a emisión destas “tarxetas monedero”, a perda, extravío e seguemento das mesmas.
Neste 2024 percibiron a tarxeta monedero no noso Concello 12 familias con nenos a cargo cun importe de entre 120 e 220€/mes por familia.
Este programa Básico entregou un total de 10.900,00€ repartidos entre as familias da Cañiza que se suman ás achegas de emerxencia social tramitadas directamente nos nosos servizos sociais. Outros 7.634,09 € que suman un total de 18.534,09€ de axudas as familias máis desfavorecidas.
Ademáis, o Concello aumentou as cantidades de alimentos entregados ás familias en 1.425 kilos máis, pasando dun total de 2.655 kilos entregados en 2023 a 4.080 kilos en 2.024.
A esta cantidade, cun investimento total de 5.716,80 € destinados a productos de primeira necesidade, principalmente leite (adquiríronse 848 litros), aceite de girasol e de oliva, lentellas, produtos enlatados, café, galletas e cereais, súmanse outros 820,00€ destinados ao pago de alugueres polo uso de vivenda, 393,69€ en concepto de recibos enerxéticos, 212,60€ para produtos de farmacia e 500,00€ para a adquisición de gafas e pequenos electrodomésticos de primeira necesidade. Un total que suma 7.643,09€ destinados a emerxencia social.