O Concello aprobará a modificación do seu Regulamento de Protocolo, Cerimonial, Honores e Distincións

• Na Sesión Plenaria que se celebrará este 28 de xullo.

• Unha revisión que se fixo necesaria para adaptar  e actualizar a normativa do texto.

• Á proposta do Alcalde Luis Piña e para ensalzar o símbolo do noso escudo e bandeira «o Carballo e o seu froito, a Landra», a modificación introduce a concesión dunha nova distinción: o  «outorgamento da Landra de Ouro da Vila da Cañiza», que nace coa intención de ponderar e recoñecer a labor profesional ou traxectoria vital de todas aquelas persoas, veciños ou visitantes, que en calquera dos ámbitos da actividade pública ou privada destacaran de forma relevante.

• Na simboloxía da Cañiza o carballo interprétase como a árbore máis rica desde a creación pola dureza da súa madeira. Simboliza superioridade, forza moral, espiritual e física ante a adversidade. O seu tronco enraizado representa a profunda solidez da formación humanística que inspira o estudo e o seu froito, a landra, o alimento que no principio dos tempos sustentaba aos homes.

• “A Landra” no Escudo do Concello representa tamén ás nove parroquias que integran A Cañiza. 

• Considerando o seu valor simbólico para o Municipio da Cañiza, introdúcese no presente Regulamento como un honor e distinción que poderá concederse polo Alcalde.

 

O Concello conta cun Regulamento de  Protocolo, cerimonial, Honores e Distincións vixente dende a súa aprobación no BOP nº 161 do 22/08/2014.

Sin embargo o transcurso de oito anos e a experiencia da aplicación do mesmo, requería a necesidade de modificar algúns artigos co fin de actualizar a normativa referente ás distincións e honras que outorga o Concello da Cañiza á realidade vixente.

No Pleno do vindeiro 28 de xullo acordarase a aprobación da modificación de 4 artigos:

Artigo 6 apartado 1º.:  Orde de precedencias da Corporación Municipal.

Se reformula a orde de precedencia interna da Corporación Municipal, introducíndose no apartado 3º o lugar de «concelleiros que ostenten algunha Delegación da Alcaldía», quedando a orde de precedencias como segue:

1º) O Alcalde.

2º) Os Tenientes de Alcalde, polo seu orde correspondente.

3º) Os Concelleiros que ostenten Delegación da Alcaldía.

4º) Os Portavoces dos grupos políticos ordeados de maior a menor representación municipal.

5º Os demáis Concelleiros, polo seu orde electoral e ordenados de maior a menor representación municipal.

6º) Os cargos directivos do Concello, polo seu orde de nomeamento.

Modificación do artigo  7: Asistencia da Corporación Municipal. Se propón designar a asistencia dos concelleiros da Corporación Municipal a Actos Solemnes que por tradición se celebren con motivo de festividades singulares.

Se propón eliminar a asistencia aos actos do «Petelo de Ouro» e «Corpus Cristi»  e manter os actos solemnes derivados da festividade na honra do Santísimo Cristo da Agonía da Cañiza que se celebra o segundo domingo do mes de xullo e da festividade na honra da patroa da Cañiza, Santa Teresa de Jesús que se celebra o 15 de outubro.

Modificación do artigo 18. Incorpórase unha nova distinción ás 6 xa existentes: «Landra de Ouro da Vila da Cañiza»,podendo o Concello outorgar, para recoñecer e premiar especiais merecementos ou servizos extraordinarios, as seguintes distincións:

1. Medalla da Vila da Cañiza, nas súas categorías de Ouro, Prata e Bronce.
2. Título de Fillo Predilecto da Cañiza.
3. Título de Fillo Adoptivo da Cañiza.
4. Chave de Ouro da Vila.
5. Título de Visitante Ilustre da Cañiza.
6. Título de Cañicense Exemplar.
7. Landra de Ouro da Vila da Cañiza.

Modificación do artigo 33, 34 e 35. Incorpórase neste artigo a nova distinción «Landra de Ouro da Vila da Cañiza», desarrollándose no artigo 33 a introducción desta nova distinción, no artigo 34 o obxecto do mesmo e no artigo 35 a súa concesión.