Formación
DOMINGO 12 DE NOVEMBRO, ÁS 12.30 H
AUDITORIO DA CASA DE CULTURA
O Concello da Cañiza continúa coa súa programación de outono co espectáculo familiar: Os bolechas en familia visitan unha galería de arte.
"Os Bolechas en familia visitan unha galería de arte" é a nova proposta dos Bolechas para o público infantil e familiar.
Un espectáculo de monicreques onde “Os Bolechas” visitan unha galería na que coñecen a un pintoresco personaxe e os seu cadros abstractos.
Os Bolechas non acaban de entender este tipo de arte, prefiren pintar cadros máis figurativos. Despois de moito pensar e coa axuda do público deciden debuxar sobre os seus antepasados (Bisavó e bisavoa, tataravó e tataravoa, familiares prehistóricos…)
Esta iniciativa enmárcase dentro do Falaredes, un programa de dinamización lingüística da Secretaría Xeral de Política Lingüística da Xunta de Galicia.
ENTRADA GRATUÍTA!