Actualidade

X Concurso de Cortadores de Xamón do 15 de agosto 2025: Bases e formulario de inscrición

Data
to
Location
Carballeira do Cacharado da Cañiza
Organiser
Concello da Cañiza. 59 Festa - Feira do xamón da Cañiza
Cultura
Actividades

BASES DO X CONCURSO DE CORTADORES DE XAMÓN A CAÑIZA 2025

ORGANIZADO POLO CONCELLO DA CAÑIZA (PONTEVEDRA) E POLA ASOCIACIÓN DE CORTADORES DE XAMÓN DE GALICIA

OBXECTIVO E BASES DE PARTICIPACIÓN

 

OBXECTO:

  1. Establécense as bases reguladoras das concesións que efectúe o Concello da Cañiza para a concesión, en réxime de concorrencia competitiva, dos premios do X Concurso de cortadores de xamón.

  2. Estes premios son compatibles con calquera outra subvención, axuda ou ingreso para o mesmo fin, procedente de calquera das administracións ou entes públicos ou privados, nacionais, da Unión Europea ou de organismos internacionais.

APLICACIÓN ORZAMENTARIA:
Os gastos inherentes a estes premios imputaranse á partida orzamentaria 2025/3340.48000.

 

CONCORRENCIA COMPETITIVA:
O réxime de concorrencia competitiva, no cal a concesión dos premios se realiza mediante a comparación dos pratos presentados, co fin de establecer unha prelación entre eles de acordo cos criterios de valoración previamente fixados nas bases reguladoras e na convocatoria, e adxudicar os premios a aqueles participantes que obteñan maior valoración por parte do xurado.

 

NORMATIVA REGULADORA:
En todo caso, no non previsto por estas bases reguladoras serán de aplicación as seguintes normas:

  • Lei 9/2007, do 13 de xuño, de Subvencións de Galicia.

  • Lei 38/2003, do 17 de novembro, Xeral de Subvencións.

  • Real Decreto 887/2006, do 21 de xullo, polo que se aproba o Regulamento da Lei Xeral de Subvencións.

  • Lei 39/2015, do 1 de outubro, do Procedemento Administrativo Común.

  • Lei 40/2015, do 1 de outubro, de Réxime Xurídico do Sector Público.

  • Lei 7/1985, do 2 de abril, de Bases do Réxime Local.

  •  

OBXECTIVO:
Recoñecemento e elección do mellor cortador de xamón entre os participantes seleccionados que amosen maior habilidade, estilo e creatividade.

 

DATA E LUGAR:
O concurso celebrarase o 15 de agosto de 2025 no emprazamento da Carballeira do Cacharado, no municipio da Cañiza (Pontevedra).

 

PARTICIPANTES:
Poderán participar no concurso todos os cortadores profesionais do sector, veciñ@s e interesados que o desexen.
Para iso deberán cubrir o boletín de inscrición adxunto e remitilo ao seguinte correo electrónico: cultura@caniza.org ata o día 13 de agosto de 2025 ás 23:59 h, indicando claramente:
“X CONCURSO cortadores de xamón A CAÑIZA 2025”
ou a través de algún dos seguintes medios:

  • Enderezo postal: CONCELLO DA CAÑIZA, Rúa Oriente nº 11, 36880 A CAÑIZA (Pontevedra)

  • Correo electrónico: cultura@caniza.org

  • Teléfono da organización: 618 323 531

  •  

ORGANIZACIÓN:
Este concurso está organizado polo Concello da Cañiza, coordinado polo cortador profesional e local Víctor Burgos e dirixido polo cortador profesional D. Juan Antonio Barbero Peral.

BASES

  1. O concurso realizarase na Carballeira do Cacharado da vila da Cañiza (Pontevedra), ás 11:00 h do día 15 de agosto de 2025, debendo estar con 2 horas de antelación no lugar.

  2. Cada participante disporá dun xamón de características semellantes. Os xamóns non variarán en máis de 400 gramos entre o máis grande e o máis pequeno.

  3. Realizarase un sorteo previo para que o cortador elixa un dos xamóns dispoñibles, minutos antes do inicio do concurso.

  4. Os concursantes deberán levar toda a indumentaria e útiles necesarios para o desenvolvemento da actividade: coitelos, pratos para as distintas presentacións, soporte xamoneiro, etc.

  5. O concurso comezará cando o director do mesmo o autorice. Unha vez iniciado, os concursantes disporán de 2 horas para realizar todo o traballo. O concursante que non remate a peza no tempo estipulado non obterá premio ningún.

  6. A organización facilitará recipientes para depositar os restos procedentes da limpeza da peza, para o seu posterior pesado.

  7. Deberase cortar en lonchas e empratar todo o xamón, non estando permitido facer tacos, nin sequera nos pratos de presentación ou creativos.

  8. Todo o loncheado será colocado en pratos de iguais características achegados pola organización, agás o prato creativo e os de presentación, que serán achegados polo concursante.

  9. Os concursantes poderán empregar suplementos para elevar a táboa de corte, se así o desexan, que deberán achegar eles mesmos.

  10. Durante o concurso, os participantes non poderán ser axudados por ningunha persoa.

  11. Os membros do xurado serán designados polo Excmo. Concello da Cañiza, que publicará a elección antes da celebración do evento. O xurado estará constituído por persoas relacionadas profesionalmente co corte de xamón.

  12. A todos os concursantes e as súas respectivas parellas (en total 2 persoas incluíndo o cortador) ofreceráselles unha comida despois do concurso de forma gratuíta no propio lugar ou nunha zona reservada.

  13. O mero feito de participar no concurso implica a aceptación destas bases.

14. PUNTUACIÓNS

1. Limpeza, pelado e perfilado da peza – De 1 a 10 puntos, valorando eliminación de graxas ranxas, correcto pelado e perfilado.

2. Estilo do cortador – Vestimenta: apto/non apto; máis serenidade, profesionalidade, orde e hixiene. De 1 a 10 puntos.

3. Rectitude no corte – Penalízanse resaltos, ondulacións ou cortes laterais; valórase un plano horizontal constante. De 1 a 10 puntos.

4. Empratado xeral – Colocación das lonchas, homoxeneidade e harmonía. Sen tacos. De 1 a 10 puntos.

5. Calidade da loncha – Grosor, tamaño, textura, entrada e saída do coitelo. De 1 a 10 puntos.

6. Orde e limpeza da zona de traballo – Ao inicio, durante e ao final. Sen riscos para o cortador. De 1 a 10 puntos.

7. Pratos de 100 gramos – 3 pratos (maza, babilla e punta).
100 g = 12 puntos; 98 g ou 102 g = 9,8 puntos.

8. Cantidade de pratos obtidos – 1 punto por prato válido.

9. Remate e apurado da peza – Sen tacos nin desosado. De 1 a 10 puntos.

10. Rendemento – Do 2 ao 10, só se é superior ao 40%; menos de 40% = 0.

11. Pratos de presentación (maza, babilla e punta) – Só xamón e touciño. De 1 a 10 puntos cada un.

12. Prato creativo – Pode incluír outros elementos sen preparación culinaria. De 1 a 10 puntos.
En caso de empate, prevalecerá a puntuación do apartado 11.

15. PREMIOS DO CONCURSO

Primeiro clasificado:

  • Trofeo

  • 600 €

  • Difusión en medios nacionais

  • Diploma acreditativo

Segundo clasificado:

  • Trofeo

  • 400 €

  • Difusión en medios nacionais

  • Diploma acreditativo

Terceiro clasificado:

  • Trofeo

  • 200 €

  • Difusión en medios nacionais

  • Diploma acreditativo

Do 4º ao último clasificado:

  • Difusión en medios nacionais

  • Diploma acreditativo

Mellor prato creativo:

  • Trofeo

  • 200 €

  • Difusión en medios nacionais

  • Diploma acreditativo

Premio especial Xamón A Cañiza 2025:

  • Para o/a primeiro/a clasificado/a afincado/a en Galicia

  • 200 €

  • Difusión en medios nacionais

  • Diploma acreditativo

16. DESENVOLVEMENTO DO CAMPEONATO

  • Selección e notificación de concursantes e suplentes

  • Reunión do comité organizador e xurado profesional

  • Dúbidas e preguntas

  • Presentación oficial

  • Colocación provisional de utensilios e ferramentas

  • Inspección e pesado das pezas

  • Sorteo de pezas e ubicación de concursantes

  • Supervisión definitiva

  • Identificación e reparto de tarxetas

  • Inicio oficial do campionato

  • Deliberación do xurado

  • Cumprimentación de actas e entrega de premios

  • Agradecementos e finalización

  • Comida co xurado e participantes

17. A organización terá potestade para realizar os cambios que considere oportunos en consenso co xurado.

 

A Cañiza (Pontevedra), 4 de agosto de 2025

 

X Concurso de Cortadores de Xamón do 15 de agosto 2025: Bases e formulario de inscrición
Horario

15 de agosto de 2025 na Carballeira do Cacharado da Cañiza