Actualidade

BANDO DA ALCALDÍA MEDIDAS EXTRAORDINARIAS DE AFORRO DE AUGA

BANDO DA ALCALDÍA MEDIDAS EXTRAORDINARIAS DE AFORRO DE AUGA
Alcaldía

 

 

BANDO DA ALCALDÍA

 

MEDIDAS EXTRAORDINARIAS DE AFORRO DE AUGA

 

Luis Antonio Gómez Piña, Alcalde do Concello da Caniza,

FAI SABER:

 

Que, con data de hoxe, 30 de outubro de 2026, esta Alcaldía ditou a Resolución 2026 -1481 pola que se declara a existencia dunha situación de escaseza de recursos hídricos e se adoptan medidas extraordinarias para garantir a continuidade do servizo municipal de abastecemento domiciliario de auga potable.

En consecuencia, faise saber á veciñanza que, durante a vixencia da Resolución, deberán observarse as seguintes medidas:

a) O corte de auga na Traída Municipal da Caniza, desde as 23.00 horas ata as 7.00 horas.

Trasládase aos usuarios a necesidade de extremar o coidado na apertura de billas pola mañá, unha vez restitúase o servizo.

b) Prohíbese expresamente o acopio de auga, co fin de que o corte cumpra coa finalidade pretendida durante a súa vixencia temporal.

c) Quedan prohibidos os seguintes usos non esenciais da auga procedente da Traída municipal da Caniza:

  • Rega de xardíns, hortas e zonas verdes particulares.

  • Enchido de piscinas privadas.

  • Baldeo de rúas, patios ou fachadas.

  • Lavado de vehículos.

  • Calquera outro uso recreativo ou ornamental incompatible coa situación de escaseza existente.

d) Recoméndase reducir o consumo doméstico ao mínimo imprescindible, adoptando, entre outras, as seguintes medidas de aforro:

  • Evitar duchas prolongadas.

  • Pechar a billa mentres se enxaboa ou se lavan os dentes.

  • Utilizar lavadoras e lavalouzas unicamente con carga completa.

  • Evitar calquera outro uso innecesario da auga.

e) Recoméndase revisar as instalacións particulares para detectar e reparar posibles fugas de auga.

O Concello poderá realizar os controis e inspeccións que resulten necesarios para comprobar o cumprimento das medidas establecidas na Resolución e neste Bando.

O incumprimento das prohibicións e limitacións establecidas poderá dar lugar á adopción das medidas que legalmente procedan e, se é o caso, á imposición das sancións previstas na lexislación vixente.

 

A Caniza, 30 de outubro de 2026

O Alcalde